Japonıada ótip jatqan jazǵy Azıa oıyndary-2026-da akademıalyq esý boıynsha Qazaqstan quramasynyń ókilderi fınaldyq jarystarda synǵa tústi. Eń úzdik nátıjeni jeńil salmaqtaǵy áıelder arasyndaǵy jalǵyz eskekti qaıyqtyń A fınalynda Roza Kenes kórsetti — ol qashyqtyqty 7 mınýt 47,95 sekýndta júzip ótip, tuǵyrdan bir qadam qalǵanda tórtinshi orynda toqtady, dep habarlaıdy infohub.kz saıty.
Taǵy bir top-5 nátıjesin Ekaterına Noskova men Marıa Chernes kórsetti. Jeńil salmaqtaǵy áıelder arasyndaǵy qos eskekti qaıyqtar saıysynda qazaqstandyq dýet 7 mınýt 11,19 sekýnd ýaqytpen besinshi bolyp márege jetti. Altyndy Iran jeńip aldy, ekinshi oryndy Gonkong, úshinshi oryndy Japonıa ıelendi.
V fınaldarynda Qazaqstannyń erler quramasynyń ókilderi de óner kórsetti. Bapan Asqanbek jalǵyz eskekti qaıyqta ekinshi bolyp, jalpy esepte segizinshi orynǵa turaqtady.
Uqsas nátıjeni qos eskekti qaıyqtar saıysynda Alekseı Krasnovskı men Vladıslav Galkın kórsetti. Qazaqstandyqtar V fınalynda ekinshi bolyp, qorytyndy klassıfıkasıada da segizinshi orynda turdy.