Qazaqstandyq sportshy Zeınolla Idrısov Vengrıanyń Sombatheı qalasynda ótip jatqan sporttyq gımnastıkadan Kýbok vyzova kezeńinde altyn medal jeńip aldy, dep habarlaıdy infohub.kz saıty.
Ol qondyrǵydaǵy jattyǵýlar boıynsha irikteý kezeńinde úzdik nátıje kórsetip, fınalǵa shyqty. Sheshýshi kezeńde Idrısov 14,766 bal jınap, birinshi oryndy ıelendi.
Osy baǵdarlamada kúmis medaldi horvat Mateo Zýgech (14,300), qola medaldi ıslandıalyq Dagýr Olafsson (14,233) jeńip aldy.
Erkin jattyǵýlarda Altynhan Temirbek tórtinshi orynmen (13,733) pedestaldan bir qadam qaldy. Jeńisti horvat Aýrel Benovıch (14,166) merekeledi. Kúmis bolgar Dımıtar Dımıtrovqa (13,966) buıyrdy. Úshinshi oryndy avstrıalyq Martın Mıggıch (13,833) túıindedi.
Kýbok vyzova — Álem kýbogynan keıingi bedeldi halyqaralyq serıa. Vengrıadaǵy kezeń 20 qyrkúıekte aıaqtalady. Jeksenbide úsh qazaqstandyq medal úshin synǵa túsedi: Asan Salımov (tireý sekirý), Dıas Toıshybek (týrnık) jáne Emıl Ahmedjanov (paralel qossyryq).