Qazaqstannyń erler basketbol quramasy Azıa Kýbogy-2029 irikteý týrnırin senimdi jeńispen aıaqtap, kelesi kezeńge joldama aldy, dep habarlaıdy infohub.kz.
V tobynyń sońǵy oıyndary Almatyda ótti. Sheshýshi kezdesýde Aleksandr Lysák shákirtteri Shrı-Lanka quramasymen kezdesip, 87:58 esebimen iri jeńiske jetti. Alań ıeleri alǵashqy shırekterde tamasha oıyn kórsetip, qolaıly basymdyqqa ıe boldy, alaıda sońǵy eki kezeńde qarsylastarynan utylyp qaldy.
Machtyń eń nátıjeli oıynshysy Shrı-Lanka quramasynyń ortalyq oıynshysy Kande Dasýn Nılanta Mendıs atandy — ol 19 upaı jınady. Qazaqstandyqtar arasynda úzdik nátıjeni qorǵaýshy Shaım Kýanov kórsetip, 15 upaımen esep jazdy.
Qatar ótken oıynda Qyrǵyzstan quramasy Maldıv komandasyn 95:37 esebimen tas-talqan etti. Týrnır qorytyndysy boıynsha topta birinshi oryndy 8 upaı jınaǵan Palestına quramasy ıelendi. Ekinshi orynda qazaqstandyqtar (7 upaı), úshinshi orynda Shrı-Lanka ókilderi (6 upaı) turaqtady. Osy úsh komanda ekinshi irikteý kezeńine joldama aldy.
Qyrǵyzstan (5 upaı) jáne Maldıv (4 upaı) basketbolshylary irikteýdegi ónerlerin aıaqtady.