Qazaqstanda «Daıvınchık tanysý» Telegram-arnasyna tyıym salý týraly sheshim qabyldandy. Bul aqparatty Almaty qalalyq sottarynyń baspasóz qyzmeti rastady, dep habarlaıdy infohub.kz.
Buǵan deıin Almaty prokýratýrasy bul Telegram-arnanyń jas shekteýinsiz jumys istep, kámeletke tolmaǵandardyń qaýipsizdigine qater tóndiretinin anyqtaǵan. Osyǵan baılanysty prokýratýra sotqa atalǵan resýrstyń jumysyn zańsyz dep taný jáne onyń Qazaqstan Respýblıkasy aýmaǵyndaǵy qyzmetine tyıym salý týraly talap qoıǵan.
Búgin iri Telegram-arna Baza Qazaqstanda bul arnaǵa tyıym salynǵanyn habarlady. Jarıalanymda Almaty qalasynyń Alataý aýdandyq soty bul servısti jasóspirimderge qaýipti dep taýyp, paıdalanýshylardyń jasyn eshqandaı teksermeıtinin atap ótken. Bul botqa tyıym salýdyń basty dáleli bolǵan.
NUR.KZ tilshisi Almaty qalalyq sotynyń baspasóz qyzmetine arnaǵa tyıym salý týraly aqparatqa túsinikteme surap, resmı saýal joldaǵan. Baspasóz qyzmeti istiń Alataý aýdandyq sotynda qaralǵanyn jáne sot sheshimi zańdy kúshine engenin aıtyp, aqparatty rastaǵan.