Elektromobılder, jasyl energetıka, jasandy ıntellekt jáne jańa gadjetter Qazaqstanda bar sırek elementterdi qajet etedi. Negizgi satyp alýshy Qytaı boldy. Bul týraly NUR.KZ habarlaıdy.
Halyqaralyq saýda ortalyǵynyń (ITC) dereginshe, 2025 jyly Qazaqstannan synı shıkizattyń eksporty 16,9 mlrd dollarǵa jetip, eldiń jalpy eksportynyń 21,4% qurady. Eń iri satyp alýshy Qytaı bolyp qalýda – 7,5 mlrd dollar, ıaǵnı synı mańyzdy materıaldar (CRM) eksportynyń shamamen 44%. Tradereport sarapshylary Qazaqstan eksporttyq kiristi arttyrý jáne jahandyq tizbekterdegi ornyn nyǵaıtý úshin el ishinde shıkizatty tereń óńdeýdi damytýy kerek dep atap ótedi.
Jańa tehnologıalar men jasyl energetıkaǵa degen jahandyq úrdisterge baılanysty CRM-ge suranys kúrt ósti. Olarǵa sırek jer metaldary ǵana emes, sonymen qatar basqa da strategıalyq mańyzdy komponentter: mys, alúmını, hrom, myrysh, lıtı, kоbált jáne basqalar kiredi.
Tradereport Telegram-arnasynyń habarlaýynsha, dál Qazaqstan jahandyq jetkizý tizbegindegi negizgi jetkizýshilerdiń biri bolyp shyqty. Sonymen birge negizgi satyp alýshy Qytaı boldy. «Halyqaralyq saýda ortalyǵynyń (ITC) eseptik derekteri boıynsha, 2025 jyly Qazaqstannan synı shıkizat eksporty 16,9 mlrd dollarǵa jetti. Eń iri satyp alýshy Qytaı bolyp qalýda – 7,5 mlrd dollar, nemese búkil eksporttyń 44%-ke jýyǵy. Odan keıin Reseı (2,6 mlrd dollar), Túrkıa (1,9 mlrd dollar), Ulybrıtanıa (768 mln dollar), Ózbekstan (597 mln dollar), Qyrǵyzstan (464 mln dollar) jáne Japonıa (432 mln dollar)», — deıdi sarapshylar.
Sonymen birge CRM 2025 jyldyń qorytyndysy boıynsha eldiń jalpy eksportynyń 21,4% alyp otyr. Qazaqstannyń osy saladaǵy jahandyq úlesi álemdik jetkizilimderdiń shamamen 0,7–0,8% qurasa da, eldiń álemdik naryqtaǵy róli artyp keledi.
Negizgi eksport shıkizatqa tıesili boldy: mys katodtary men katod seksıalary (3,58 mlrd dollar), mys kenderi men konsentrattary (2,85 mlrd dollar), ferrohrom (1,65 mlrd dollar), kúmis (740 mln dollar), óńdelmegen myrysh (619 mln dollar), tazartylǵan mys (518 mln dollar), óńdelmegen alúmını (517 mln dollar), alúmını oksıdi (427 mln dollar), temir men bolattan jasalǵan jalpaq prokat (364 mln dollar), temir kenderi men konsentrattary (360 mln dollar).
«Dál osy sebepti damýdyń kelesi kezeńi el ishinde tereń óńdeýdi keńeıtý bolýy tıis. Katodty mys, akýmýlátor materıaldary, arnaıy qorytpalar jáne joǵary qosylǵan qundy basqa da ónimderdi óndirý eksporttyq kiristi arttyrýǵa, jańa jumys oryndaryn qurýǵa jáne Qazaqstannyń jahandyq óndiristik tizbekterdegi ornyn nyǵaıtýǵa múmkindik beredi», — dep atap ótedi Tradereport.