Ózbekstanda 2026 jylǵy Ortalyq Azıa jeńil atletıka chempıonaty aıaqtaldy. Qazaqstan quramasy on altyn medal jeńip aldy, dep habarlaıdy infohub.kz.
Jarystyń sońǵy kúni qazaqstandyqtar qorjynǵa taǵy úsh altyn saldy. Zelımhan Nasyrov úsh qarǵyma sekirýde úzdik nátıje kórsetti — 16,11 metr. Bul synda ekinshi oryndy ózbekstandyq Ihtıór Ahmadjanov (15,39), úshinshi oryndy sıngapýrlyq Lı Szın Iı Gabrıel (15,19) ıelendi.
Áıelder arasyndaǵy 4h100 metr estafetada Dará Grıdasova, Margarıta Nazarenko, Antonına Chernyshova jáne Iýlıa Bashmanovadan quralǵan Qazaqstan quramasy jeńimpaz atandy (47,84 sekýnd). Ekinshi oryndy túrikmenstandyqtar (48,38), úshinshi oryndy Saýd Arabıasynyń ókilderi (49,51) ıelendi.
Qazaqstandyq Vıktorıa An 200 metrge júgirýde jeńiske jetti (24,05). Sondaı-aq úzdik úshtikke ózbekstandyq Laılo Allaberganova (24,25) jáne grýzın Anı Mamasashvılı (24,78) endi.
Ortalyq Azıa chempıonatynda Qazaqstan quramasy barlyǵy 24 medal jeńip aldy — on altyn, segiz kúmis jáne alty qola. Jalpy komandalyq esepte ol ekinshi orynǵa turaqtap, tek Ózbekstannan (22-20-19) ǵana qalyp qoıdy.