Brazılıalyq FURIA komandasy, sapynda qazaqstandyq kıbersportshy Danıl «molodoy» Golýbenko óner kórsetedi, Esports World Cup 2026 týrnırinde júldeli orynǵa ıe bola almady, dep habarlaıdy infohub.kz.
Parıjde ótken CS2 týrnıriniń úshinshi oryn úshin machynda komanda brazılıalyq Legacy-men kezdesip, 1:2 esebimen utyldy. FURIA birinshi kartada Ancient (13:9) senimdi jeńiske jetkenimen, keıin Nuke jáne Dust2 kartalarynda dál osyndaı eseppen ese jiberdi.
Jas oıynshy óz komandasynda eń úzdik nátıje kórsetip, 1,22 reıtıń jınady jáne bul kórsetkish boıynsha tek eki qarsylastan ǵana keıin qaldy.
Osylaısha, FURIA Esports World Cup-ty tórtinshi orynmen aıaqtap, 110 myń dollar (aǵymdaǵy baǵam boıynsha shamamen 50,7 mıllıon teńge) júlde qoryn ıelendi. Legacy úshinshi orynǵa turaqtap, 190 myń dollar utyp aldy.
Týrnır chempıony Team Spirit atandy, ol fınalda FUT Esports-ti 3:1 esebimen tize búktirip, 600 myń dollar júldege ıe boldy. Kúmis júldegerler 340 myń dollar aldy.