17 jastaǵy qazaqstandyq jeńil atlet Ýlbolsyn Esirkep Tashkentte (Ózbekstan) ótip jatqan III Ashyq Ortalyq Azıa chempıonatynyń jeńimpazy atandy, dep habarlaıdy infohub.kz saıty.
Naıza laqtyrý jarysynda sportshy 38,85 metr nátıje kórsetip, úzdik boldy jáne altyn medalǵa ıe boldy. Ekinshi oryndy ózbekstandyq Anna Chıkalova 35,08 metr nátıjemen ıelendi, al qolany taǵy bir ózbek sportshysy Zýlfıa Ibrogımova jeńip aldy — ol snarádty 35,06 metrge laqtyrdy.
Esirkep úshin bul jeńis bıylǵy maýsymdaǵy alǵashqysy boldy. Buǵan deıin qazaqstandyq sportshy Astanada ótken el chempıonatynda úzdik úshtikke engen edi.
Aıta keteıik, Esirkep qazaqstandyq quramaǵa bıylǵy Ortalyq Azıa chempıonatyndaǵy alǵashqy altyn medaldi ákeldi. Buǵan deıin ulttyq komanda qola júldege de qol jetkizgen bolatyn: qazaqstandyq Davıd Efremov 110 metrge kedergilermen júgirýde 14,12 sekýnd nátıjemen úshinshi oryn aldy.
III Ashyq Ortalyq Azıa chempıonaty Tashkentte 23-25 tamyz aralyǵynda ótýde.