Úndistannyń Paradıp portynda mamyr aıynan beri ustalyp turǵan MT UNITY munaı tankeri bes aıdaı el aýmaǵynan shyǵa almaı otyr. Keme bortynda Qazaqstan azamaty bar. Ahýalǵa qatysty Qazaqstan Syrtqy ister mınıstrligi túsinik berdi, dep habarlaıdy infohub.kz saıty.
Syrtqy saıası vedomstvonyń resmı ókili Janbolat Ýsenov óziniń Telegram-arnasynda rastaǵandaı, Paradıp portynda MT UNITY kemesi ustalǵan, onyń ekıpajy 23 teńizshiden turady. Olardyń bireýi — Qazaqstan Respýblıkasynyń azamaty. Ustaýǵa keme ıesiniń jergilikti otyn jetkizýshige qaryzy sebep bolǵan.
«Qazaqstandyq dıplomattar azamatymyzdy elge qaıtarý úshin qajetti sharalardy qolǵa alyp jatyr. Ahýaldy retteýge járdem kórsetý ótinishimen Indıa SİM-ne tıisti dıplomatıalyq nota joldandy», — dep keltiredi Ýsenovtyń sózin NUR.KZ.
Sonymen qatar atalǵan Qazaqstan azamaty men onyń otbasy músheleri eldiń dıplomatıalyq ókildikterine kómek surap júginbegeni atap ótildi. Degenmen ahýal Qazaqstan Syrtqy ister mınıstrliginiń baqylaýynda.
Buǵan deıin buqaralyq aqparat quraldarynda keme bortynda Reseıdiń 20 azamaty, sondaı-aq Qazaqstan azamaty men Mysyrdyń eki azamaty bar ekeni habarlanǵan. Kalkýttadaǵy Reseı Bas konsýldyǵy naqtylaǵandaı, tutqyndalǵan munaı tankeri jóndeýdi qajet etedi, sol sebepti ol júzýin jalǵastyra almaıdy.