Ekvadordyń Gýaıakıl qalasynda kadetter arasynda dzúdodan álem chempıonaty bastaldy, oǵan Qazaqstan quramasy qatysýda, dep habarlaıdy infohub.kz saıty.
Alǵashqy jarys kúni-aq qazaqstandyq sportshylar bes medal jeńip aldy: bir altyn, eki kúmis jáne eki qola.
60 kelige deıingi salmaq dárejesinde Ǵabıt Rasýlhan álem chempıony atandy. Fınaldyq beldesýde ol kanadalyq Roman Semırozýmdy jeńip, quramaǵa týrnırdiń tuńǵysh altyn medalin ákeldi.
Kúmis júldeni Ádiljan Nurbeken (50 kelige deıin) jáne Adıa Janahmet (40 kelige deıin) ıelendi.
Qola júldeni Bekáris Qudaıbergen (50 kelige deıin) jáne Ahmet Baýbek (60 kelige deıin) jeńip aldy.
Osylaısha, jarystyń alǵashqy kúniniń qorytyndysy boıynsha Qazaqstan quramasynyń enshisinde bes medal: bir altyn, eki kúmis jáne eki qola.