Qazaqstandyq tenısshi Tımofeı Skatov 2026 jylǵy AQSh ashyq chempıonatynda irikteý kezeńiniń jartylaı fınalynda bolgarıalyq Grıgor Dımıtrovtan jeńilip, jarysty aıaqtady, dep habarlaıdy infohub.kz.
Álemdik reıtıńte 205-orynda turǵan Skatov mansabynyń shyńynda álemniń úshinshi raketkasy bolǵan, qazir 137-satydaǵy Dımıtrovpen kezdesti. Mach eki setke sozylyp, birinshisi taı-breıkte aıaqtaldy. Dımıtrov 7:6 (7:5), 6:4 esebimen jeńiske jetti.
Tenısshiler kortta 2 saǵat 1 mınýt ótkizdi. Osy ýaqyt ishinde Skatov tórt eıs jasap, sonsha qos qatelik jiberip, jalǵyz breık-poıntty paıdalana almady.
Dımıtrov irikteýdiń fınalyna shyǵyp, US Open negizgi toryna joldamany fınlándıalyq Otto Vırtanenmen sarapqa salady. Maýsymdaǵy sońǵy Úlken dýlyǵa týrnıri Nú-Iorktegi hard korttarynda ótedi.
Osylaısha, qazaqstandyqtardan US Open jeke synda tek Aleksandr Býblık pen Aleksandr Shevchenko ǵana óner kórsetedi.