US Open-2026 negizgi jarysy bastalar aldynda qazaqstandyq tenısshiler Elena Rybakına, Aleksandr Býblık, Iýlıa Pýtınseva jáne Aleksandr Shevchenko álemdik reıtıńtegi pozısıalaryn bildi, dep habarlaıdy infohub.kz saıty.
Áıelder tenıs qaýymdastyǵy (WTA) men Kásibı tenısshiler qaýymdastyǵy (ATP) reıtıńtiń jańartylǵan nusqalaryn usyndy. Qazaqstannyń áıelder arasyndaǵy birinshi raketkasy Elena Rybakına WTA reıtıńinde ekinshi oryndy saqtap qaldy, onyń enshisinde 8141 upaı bar. Kóshbasshy bolyp 8575 upaı jınaǵan belarýstik Arına Sobolenko qalyp otyr.
Iýlıa Pýtınseva álemdik reıtıńte 80-shi orynnan 84-shi orynǵa tústi. Qazaqstandyq tenısshiniń 904 reıtıńtik upaıy bar.
Erler reıtıńinde Qazaqstannyń úzdik ókili Aleksandr Býblık bolyp qalýda. US Open aldynda ol 2525 upaımen 16-shy orynda tur. Aleksandr Shevchenko 655 upaımen 98-shi pozısıada.
US Open-2026 negizgi jarysy 30 tamyzda Nú-Iorkte bastalady. Rybakına týrnırde ekinshi, al Býblık 15-shi nómirli jerebege ıe boldy.