Áleýmettik jelilerde qazaqstandyqtar tanymal reseılik eki strımer — Fasoollka men kae4ka-nyń Qazaqstan men qazaq halqyna qatysty qorlaıtyn sózderine narazylyq bildirýde. Paıdalanýshylar blogerlerdi ultaralyq alaýyzdyqty qozdyrdy dep aıyptap, olardy jaýapqa tartýdy talap etýde, dep habarlaıdy infohub.kz saıty.
Jýyrda Threads áleýmettik jelisinde kae4ka esimdi strımerdiń qazaqtarǵa qatysty qorlaıtyn sózder aıtyp, olardyń orys tilinde sóılemeıtinine mensinbeı qaraǵan vıdeo tarady. «Orys tilin túsinbeıtin sasyq qazaqtar», — dedi qyz.
Bul jarıalanym qazaqstandyqtar arasynda narazylyq tolqynyn týdyrdy: olar ınflúenserdi boıkottaýǵa, onyń akkaýntyna jappaı shaǵym jiberýge jáne ony QR QK-niń 174-baby (áleýmettik, ulttyq, etnostyq, násildik nemese dinı alaýyzdyqty qozdyrý) boıynsha jaýapqa tartýǵa shaqyrady.
«Orys halqynyń ókili retinde men oǵan uqsaıtyndar úshin óte uıalamyn... Men ony adam dep te ataı almaımyn, mundaılardyń basynda ne bolyp jatqanyn elestetý qorqynyshty», — dep jazdy evalutioonn esimdi qoldanýshy.
«Jigitter, tek report jasap, ultaralyq alaýyzdyqty qozdyrǵany úshin aryz jazý kerek», — dep qosty hialeena avtory.
Basqa paıdalanýshylar bul jazba bes jyldan astam ýaqyt buryn jasalǵanyn atap ótti. Sol kezde strımer jasóspirim bolǵan jáne olardyń aıtýynsha, aýyr emosıonaldyq kúıde bolǵan.
«Qandaı aqymaqtyq. Bes jyl buryn bolǵan jaǵdaıdy qozǵaý, ol úshin, aıtpaqshy, Kaıa óz strımderinde birneshe ret keshirim surady», — dep túsindirdi lirika1003 qoldanýshysy.
Sonymen qatar, blogerdiń sózderin júrekke jaqyn qabyldamaýǵa jáne olarǵa baıyppen qaramaýǵa shaqyrǵandar da tabyldy.
Taǵy bir strımer Fasoollka elge kelgende Almaty ortalyǵynda kıiz úıler men at ústindegi adamdardy kóremin dep kútkenin moıyndady. Sondaı-aq bloger Qazaqstan men Pákistan arasyndaǵy aıyrmashylyqty kórmeıtinin aıtyp, eldi «Shtrafstan» dep ataǵan.
«Al, shtrafstanes, temeki shegemiz be?», «Pavlodar — bul Qazaqstan ba? Joq, Pavlodar bizdiki (reseılik. — red.). Ol bizdiki bolyp estiledi, ol qazaqstandyq bola almaıdy. Nege Pavlostan emes?», «Almatyǵa bir Starbucks jetedi shyǵar?», «Aıtshy, senderde qyz neshe jastan nelıkvıd bolady? 13-ten bastap pa?» — dedi ol.
Qazaqstandyqtar posttardyń astynda qyzǵa qatysty shara qoldanýdy da talap etýde. Keıbir paıdalanýshylar ol birneshe qylmystyq bapty buzdy dep eseptese, basqalary tipti prezıdent atyna aryz jazamyz dep qorqytady.
«Nege ony áli deportasıalap, 15 táýlikke otyrǵyzbady?» — dep suraıdy gogocame avtory.
«@polisiakz, @akordapress, @almaty_police_department, @kuis_kz, al sender nege óz azamattaryńdy qorǵamaısyńdar? Qandaı da bir strımer Qazaqstanǵa kelip, osylaı teris pikir bildirip jatyr», — dep moncherriie_ qoldanýshysy jaýapqa shaqyrady.
«Kýrsıv» bolyp jatqan oqıǵaǵa qatysty túsinikteme alý úshin QR İİM-ne júgindi.