Japonıada ótken XX jazǵy Azıa oıyndary 19 qyrkúıekte resmı túrde ashylyp, búgin, 4 qazanda máresine jetti. Jeksenbi kúni tańerteń Azıada-2026-nyń sońǵy jarysy – at sportynan konkýr ótti. Onda shabandozdar kedergi bıiktigine qaraı eki sanatta synǵa tústi, dep habarlaıdy infohub.kz saıty.

Qazaqstandyq Oleg Sokolenko Sınderella esimdi atymen A sanatynda 14-oryn aldy. Nýrıla Turysbekova Kýbel-van-Abelendreff atymen qalǵan bes shabandozben birge márege jete almady.

Aıta keteıik, at sporty jarystary Oıyndar astanasy Nagoıada emes, Tokıodaǵy JRA Equestrian Park olımpıadalyq kesheninde ótti.

AZIA OIYNDARY-2026
4 qazan. At sporty. Konkýr. Kedergi bıiktigi 140/150 sm

🥇 1. Faleh ALADJAMI – Kapela (Katar)
🥈 2. Abdýlla ALMEIRI – Hadson-de-Vaıns (BAÁ)
🥉 3. Haled Abdýlrahman ALMOBTI – Dıana-de-Plevo (Saýd Arabıasy)
…14. Oleg SOKOLENKO – Sınderella (Qazaqstan)

Búgin Nagoıadaǵy «Paloma Mıdzýho» stadıonynda Azıada-2026-nyń saltanatty jabylý rásimi ótedi.

Týrızm jáne sport mınıstrliginde Azıada-2026-nyń qorytyndysy shyǵaryldy. Qazaqstan quramasy 84 medal jeńip aldy – 12 altyn, 24 kúmis jáne 48 qola. Osylaısha 46 qatysýshy el arasynda jalpykomandalyq esepte segizinshi orynǵa turaqtady.

Hırosıma-1994-ten Inchhon-2014-ke deıingi alty Azıadada Qazaqstan quramasy úzdik bestikten túspedi. Hanchjoý-2022-degi ótken Oıyndardaǵy nátıje tarıhtaǵy eń nashar kórsetkish boldy. Al qazirgi jarystaǵy 12 altyn medal – komandamyzdyń Azıadalardaǵy sońǵy oryndardyń birinen kóringen nátıjesi.

Keshendi jarystarda (Olımpıada men Azıadada) eń bedeldi sanalatyny – oıyndyq komandalyq sport túrleri. Osy túrlerde qazaqstandyqtardyń enshisinde bir kúmis bar. Oıyndardyń vıse-chempıondary sý polosy oıynshylary atandy. Gandbolshy qyzdar men áıelder regbı quramasy júldegerler tuǵyrynan bir qadam qalǵanda toqtady.

45 eldiń sportshylary qatysqan jarystarda 460 medal jıyntyǵy sarapqa salyndy. Onyń 217-si – erler, 204-i – áıelder jáne 39-y – aralas razrádtar arasynda.

Azıada-2026-da Qazaqstan quramasynyń sapynda 35 sport túrinen 558 sportshy óner kórsetti.

Kelesi Azıa oıyndary 2030 jyly Katar astanasy Dohada ótedi.