Japonıada ótip jatqan Azıat oıyndary-2026-da Qazaqstan áıelder basketbol quramasy ekinshi ret jeńilis tapty. Týrnır ıelerine qarsy oıynda qazaqstandyq sportshylar japon quramasyna 88:23 esebimen jol berdi, dep habarlaıdy infohub.kz saıty.
Kezdesý Japonıa quramasynyń basymdyǵymen ótti: olar birinshi mınýttan-aq bastamany óz qolyna alyp, oıyn boıy aıyrmashylyqty ulǵaıta tústi. Shırekter boıynsha esep bylaı boldy: 23:9, 25:6, 23:5, 17:3.
Borıs Fatkýlınniń shákirtteri tórt shırektiń eshqaısysynda on upaıdan asyra almady. Qorytyndy aıyrmashylyq 65 upaıdy qurady.
Qazaqstan quramasy úshin bul týrnırdegi ekinshi iri jeńilis. Bastapqy oıynda ulttyq qurama Fılıppınge 55:88 esebimen jol bergen bolatyn.
Kelesi kezdesýdi qazaqstandyq basketbolshy qyzdar 22 qyrkúıekte Gonkongqa qarsy ótkizedi. Pleı-offqa ár toptan eki úzdik qurama, sondaı-aq úshinshi oryn alǵan úsh quramanyń ekeýi shyǵady.