Japonıa qabyldap otyrǵan XX jazǵy Azıa oıyndarynda erler men áıelder arasyndaǵy qazirgi bessaıys jarystary bastaldy, dep habarlaıdy infohub.kz saıty.
Bul sport túri qylysh saıysyn, at sportyn, júzýdi, sondaı-aq lazerlik tapanshadan atýmen júgirýdi biriktiredi. Sársenbide qylysh saıysynyń irikteý kezeńi ótti.
Erler setkasynda qazaqstandyq Temirlan Abdraımov ekinshi nátıje kórsetti. Aldyn ala kezeńde ol 27 jeńis pen segiz jeńiliske qol jetkizdi. Lev Chývashov, Tıhon Varóhın jáne Kırıll Stadnık irikteýde tıisinshe 13, 14 jáne 16-oryndardy ıelendi. Olardyń barlyǵy 20 jeńis pen 15 jeńiliske qol jetkizdi.
Áıelder arasyndaǵy qylysh saıysynyń irikteýinde qazaqstandyqtardyń ishinde úzdigi Dıana Shedrova boldy — 12-oryn (19-13). Aıana Kazbekova 16-oryndy ıelendi (17-15). Iýlıana Petrova 22-nátıje kórsetti (14-18).
17 qyrkúıekte qazirgi bessaıystan áıelder arasyndaǵy jartylaı fınaldar bastalady. Erler bir kúnnen keıin osy kezeńde synǵa túsedi.