Japonıa qabyldap otyrǵan HH Azıa oıyndarynda Qazaqstannyń erler quramasy qazirgi bessaıystan tuǵyrǵa kóterildi, dep habarlaıdy infohub.kz saıty.
Jeksenbi kúni osy sport túrinen fınal ótti. Úsh úzdik jeke nátıjeniń qosyndysy esepteletin komandalyq synda qazaqstandyq qurama 4647 upaı jınap, úshinshi orynǵa turaqtady. Qola júldegerler Temırlan Abdraımov, Lev Chývashov jáne Tıhon Varóhın atandy. Bul — qazaqstandyq bessaıysshylardyń Azıa oıyndaryndaǵy 16 jyldan keıingi alǵashqy medali.
Komandalyq týrnırde Ońtústik Koreıa quramasy jeńiske jetti (4779 upaı). Kúmisti qytaılyqtar enshiledi (4768).
Jeke synda qytaılyq Lúchan Lı úzdik shyqty (1598). Ekinshi jáne úshinshi oryndardy ońtústikkoreıalyqtar Djýn Výn Te (1595) men Lı Djon Hón (1593) bólisti.
Jeke týrnırde qazaqstandyqtardyń ishindegi eń úzdigi Abdraımov boldy, ol jetinshi nátıje kórsetti (1564). Varóhın toǵyzynshy (1554), Chývashov 13-shi (1529), Kırıll Stadnık 18-shi (1138) oryndarǵa turaqtady.
Azıada-2026 baǵdarlamasyndaǵy qazirgi bessaıys qylysh saıysyn, júzýdi, kedergiler jolaǵyn jáne lazerlik atýmen júgirýdi (lazer-ran) qamtıdy.