Qazaqstandyq mergen Valerı Rahımjan Azıa oıyndary-2026-nyń fınalynda 10 metrden pnevmatıkalyq tapanshadan atýdan besinshi oryn aldy. Sheshýshi raýndta ol 177,6 upaı jınady, dep habarlaıdy infohub.kz saıty.
Jarys jeńimpazy ózbekstandyq Vladımır Svechnıkov boldy — 244,3 upaı. Bul Azıa oıyndarynyń rekordy. Kúmisti Qytaı ókili Hý Kaı 243,0 upaımen jeńip aldy, al onyń otandasy Bý Shýaıhan 222,1 upaımen úshinshi orynǵa turaqtady.
AZIA OIYNDARY-2026
24 qyrkúıek. Oq atý. Pnevmatıkalyq tapansha, 10 m. Erler. Fınal
🥇 1. Vladımır Svechnıkov (Ózbekstan) – 244,3
🥈 2. Hý Kaı (Qytaı) – 243,0
🥉 3. Bý Shýaıhan (Qytaı) – 222,1
…5. Valerı Rahımjan (Qazaqstan) – 177,6
Rahımjan sheshýshi raýndqa irikteý kezeńinde tórtinshi orynmen ótti. Qazaqstandyq taǵy eki mergen — Kırıll Fedkın men Eldar Imankýlov — sáıkesinshe 33-shi jáne 57-shi oryndardy ıelenip, fınalǵa shyǵa almady.
İrikteý nátıjeleri komandalyq esepke de jatty. Qazaqstan 1705 upaımen onynshy oryn aldy. Qytaı men Indonezıa 1743 upaıdan jınady, alaıda qytaılyq mergender ortalyq ondyqqa kóbirek tıgizgeniniń arqasynda birinshi orynǵa shyqty — 70-ke qarsy 57. Japonıa 1730 upaımen úshinshi orynǵa turaqtady.
Aldyńǵy kúni áıelder týrnırinde Qazaqstan da fınalda ókildik etti. Valerıa Popelova jetinshi oryn aldy. Qazaqstannyń áıelder quramasy komandalyq esepte de onynshy boldy.
Japonıadaǵy XX Jazǵy Azıa oıyndary 19 qyrkúıekte resmı túrde ashyldy. 45 eldiń sportshylary qatysatyn jarysta 460 medal komplektisi sarapqa salynýda. Azıada-2026-da Qazaqstan quramasynyń sapynda 35 sport túrinen 558 sportshy óner kórsetýde.
Azıada-2026 sholýlary: 1-kún, 2-kún, 3-kún, 4-kún.