Kosovoda ótken mýaı-taıdan álem chempıonatynda Qazaqstan quramasy jeti altyn, úsh kúmis jáne tórt qola medal jeńip aldy. Jalpykomandalyq medal esebinde qazaqstandyq sportshylar úshinshi orynǵa turaqtady, dep habarlaıdy infohub.kz saıty.
Álem chempıony ataǵyn Iýsýf Mýhtasıb (48 kg salmaq dárejesi), Davıd Shırokoradov (57 kg), Turar Dúısehan (63,5 kg), Baqtıar Narımanov (67 kg) jáne Aslan Koshıev (91 keliden joǵary) jeńip aldy.
Týrnırdiń kúmis júldegerleri — Anastasıa Konúshko (45 kg), Daıana Dúısenǵalı (48 kg) jáne Abdýrahman Abıshev (54 kg).
Qola medalmen Sıoband Omarov (75 kg), Alena Ojeredova (67 kg) jáne Evgenı Zımın (91 kg) elge oraldy.
U24 jas sanatynda Erlan Shamardanov (45 kg) altyn, al Mılana Kolchenko (57 kg) qola júlde jeńip aldy.
Qurama qorjynyna taǵy bir altyn medaldi 45 jastan asqan sportshylar arasynda chempıon atanǵan qazaqstandyq Ivan Van Hon Týn (86 kg) qosty.
Salystyrar bolsaq, 2025 jyly Túrkıanyń Antalıa qalasynda ótken ótken álem chempıonatynda qazaqstandyqtar jeti medal jeńip alǵan. Aǵymdaǵy álem birinshiliginiń medal esebinde Qazaqstan quramasy tek Vetnam men Túrkıa komandalaryna ǵana jol berdi.