Qazaqstannyń sadaq atý quramasy Japonıa qabyldap otyrǵan 2026 jylǵy XX jazǵy Azıa oıyndarynda kúsh synasýǵa kiristi. Senbide, 26 qyrkúıekte, týrnırdiń barlyq on dısıplınasy boıynsha irikteý ótti, dep habarlaıdy infohub.kz saıty.
Azıadada blokty jáne klasıkalyq sadaq atýdan — jeke, komandalyq jáne aralas razrádtarda medaldar sarapqa salynady. Jeke túrlerde pleı-offqa bir elden eki ókilden aspaı ótti.
Blokty sadaqta erler arasynda Andreı Tútún men Dilmuhamet Musa, áıelder arasynda Vıktorıa Lán men Adel Jeksenbınova júlde úshin kúresin jalǵastyrady. Erler komandalyq týrnırinde Andreı Tútún, Dilmuhamet Musa jáne Akbaralı Karabaev, áıelderde Vıktorıa Lán, Adel Jeksenbınova jáne Roksana Iýnýsova synǵa túsedi. Aralas razrádta Qazaqstan atynan Andreı Tútún men Vıktorıa Lán óner kórsetedi.
Klasıkalyq sadaqta erler arasynda pleı-offqa Ilfat Abdýllın men Dáýletkeldi Janbyrbaı, áıelder arasynda Samıra Jumaǵulova men Aleksandra Zemlánova shyqty. Erler komandasyn Ilfat Abdýllın, Dáýletkeldi Janbyrbaı jáne Dastan Karımov, áıelder komandasyn Samıra Jumaǵulova, Aleksandra Zemlánova jáne Medına Murat qurady. Aralas komandalyq týrnırde Ilfat Abdýllın men Samıra Jumaǵulova synǵa túsedi.
Sadaq atýdan pleı-off 27 qyrkúıekte bastalady, al fınaldyq kezdesýler 30 qyrkúıekte ótedi.