Japonıada 2026 jyly ótip jatqan Azıa oıyndarynda Qazaqstannyń shpagamen semserlesý áıelder quramasy tarıhta alǵash ret tuǵyrǵa kóterildi. Komandalyq týrnırde qazaqstandyq sportshylar qola júldege qol jetkizdi, dep habarlaıdy infohub.kz saıty.
Joǵary reıtıńiniń arqasynda ulttyq qurama shırek fınalǵa tikeleı shyǵyp, onda Gonkong qarsylastaryn 45:35 esebimen jeńdi.
Jartylaı fınalda qazaqstandyqtar Qytaı quramasyna 21:45 esebimen jol berdi. Ereje boıynsha úshinshi oryn úshin jekpe-jek qarastyrylmaǵandyqtan, Irına Bakaldına, Vladıslava Andreeva, Sofıa Nıkolaıchýk jáne Dará Samodelkına Sıngapýr ókilderi sıaqty qola júldeger atandy.
Bul — Qazaqstan quramasynyń áıelder shpagasynda Azıa oıyndaryndaǵy tarıhtaǵy alǵashqy júldesi. Erler arasynda bir kún buryn osy qarý túrinen Kırıll Prohodov kúmis júldeger atanǵan edi. Oǵan deıin Artóm Sarkısán sabláshylardyń jeke týrnırinde qola jeńip aldy.
Sondaı-aq juma kúni rapırashy erlerdiń komandalyq saıysy ótti. Qazaqstan quramasy aldymen Katardy jeńdi (45:42), biraq keıin shırek fınalda Japonıaǵa ese jiberdi (29:45). El namysyn Galym Nýrýmov, Tımofeı Semónov jáne Tamırlan Kalıev qorǵady.