Astanada jalǵasyp jatqan Devıs kýboginiń machynda Beıbit Juqaev pen Denıs Evseev juby taılandtyq Prýchá Isaro men Maksımýs Djonsqa jol berdi. Kezdesý qonaqtardyń paıdasyna 4:6, 6:3, 5:7 esebimen aıaqtaldy, dep habarlaıdy infohub.kz saıty.
Osy jeńiliske qaramastan, úsh oıynnan keıin Qazaqstan quramasy alda — 2:1. Aldyńǵy kúni qazaqstandyqtar eki jekelegen kezdesýde de jeńiske jetken bolatyn. Aleksandr Shevchenko atalǵan Djonsty aıryqsha qıyndyqpen utty — 6:4, 1:6, 7:5. Tımofeı Skatov ta tartysty kúreste Kasıdıt Samreıden basym tústi — 6:4, 7:6 (7:4).
Taılandtyqtardyń juptyq oıynǵa alǵashqy ótiniminde Isaromen birge Tanapent Chanta bolǵan. Alaıda Taıland quramasynyń kapıtany Tıansıt Shrıchapan ony Shevchenkomen machta ózin jaqsy kórsetken Djonspen aýystyrdy. Sóıtip qatelespedi. Qarsylastarynyń bir breıkine qarsy eki breık jasaǵan Prýchá men Maksımýs birinshi setti 6:4 esebimen aldy.
Bastapqyda Juqaev/Evseev juby Qazaqstan quramasynyń qazirgi sapyndaǵy eń problemaly býyn bolyp kóringen. Jaqsy jekelegen oıynshylar bolǵanymen, ekeýi de juptyq oıynnyń maıtalmandary emes. Juqaev biraz ýaqyt Aleksandr Býblıkpen juptasyp oınady. Alaıda aqpanda Monakomen bolǵan mach kórsetkendeı, bul erekshe tabys ákelmedi.
Aleksandr Birinshiniń joqtyǵynda Juqaev pen Evseevtiń múmkindigi azdaı kóringen. Degenmen ekinshi partıada qazaqstandyqtar kortqa beıimdelip, qumyrany qudaı jasamaıtynyn kórsetti. Ári aıqyn jekelegen oıynshylar jupta da birdeńe isteı alady — 6:3.
Alaıda sheshýshi sette Isaro men Djons Prýchányń tor basyndaǵy arnaıy daǵdylaryn belsendi paıdalanyp, kort ıelerin tize búktirdi. 6:4, 3:6, 7:5 — 1 saǵat 57 mınýtta.
Osylaısha, qazaqstandyqtardyń eseptegi basymdyǵy qysqardy — 2:1. Tórtinshi oıynda kortqa Shevchenko men Samreı shyǵady. Qazaqstandyq jeńse, mach bizdiń jeńisimizben aıaqtalady. Taılandtyq jeńgen jaǵdaıda Skatov pen Djonstyń arasyndaǵy jekpe-jek qaqtyǵystyń taǵdyryn sheshedi.