Qazaqstan tarıhynda alǵash ret ÝEFA Sýperkýbogynyń qojaıyny atanady: 2028 jylǵy aıtýly mach astanalyq «Astana Arena» stadıonynda ótedi. Bul sheshimdi Salonıkıde ótken Eýropalyq fýtbol qaýymdastyqtary odaǵynyń (ÝEFA) atqarý komıteti qabyldady, dep habarlady Qazaqstan fýtbol federasıasy, infohub.kz saıtyna silteme jasap.
Federasıa bul oqıǵany qazaqstandyq fýtbol úshin «el tarıhyndaǵy mańyzdy kezeń» dep atap ótti.
ÝEFA Sýperkýbogy — eýropalyq klýbtyq maýsymdy ashatyn resmı fýtbol machy. Onda ótken maýsymdaǵy ÝEFA Chempıondar lıgasy men ÝEFA Eýropa lıgasynyń jeńimpazdary kezdesedi. Týrnır bir oıynnan turady jáne tamyz aıynyń ortasynda, eýrokýbokterdiń basty toptyq kezeńderi bastalmaı turyp ótkiziledi. Ótetin orny ÝEFA-ǵa múshe elderdiń biriniń stadıonynda aldyn ala tańdalyp, jyl saıyn aýysyp otyrady.
Eske salaıyq, 13 tamyzda fransýzıalyq «Parı Sen-Jermen» fýtbolshylary 2026/27 maýsymynyń ÝEFA Sýperkýbogy úshin machta aǵylshyndyq «Aston Vıllany» jeńgen bolatyn.