Qazaqstandyq júzýshiler Sofá Spodarenko men Aıbat Myrzamuratov Azıa oıyndary-2026 fınaldyq júzýlerine qatysty. Spodarenko 50 metr baterfláı qashyqtyǵynda altynshy orynǵa turaqtady, al Myrzamuratov 50 metr bras saıysynda onynshy oryndy ıelendi, dep habarlaıdy infohub.kz saıty.
Áıelder fınalynda Spodarenko qashyqtyqty 26,49 sekýndta júzip ótti. Jeńisti Qytaı ókili Chjan Iýıfeı jeńip aldy. Onyń otandasy Ý Sınfen kúmis júldeger atandy, al japondyq Rıkako Ikee úzdikter qataryn túıindedi.
AZIA OIYNDARY-2026
25 qyrkúıek. Júzý. 50 m baterfláı. Áıelder. Fınal
🥇 1. Chjan Iýıfeı (Qytaı) – 25,41
🥈 2. Ý Sınfen (Qytaı) – 25,62
🥉 3. Rıkako Ikee (Japonıa) – 25,97
…6. Sofá Spodarenko (Qazaqstan) – 26,49
Taǵy bir qazaqstandyq Sofıa Abýbakırova osy qashyqtyqta irikteý kezeńinde óner kórsetip, 12-orynǵa turaqtady.
Myrzamuratov erler fınalynda 50 metr bras saıysynda 27,98 sekýnd nátıje kórsetip, onynshy oryndy ıelendi.
Altyndy qytaılyq Sın Haııan jeńip aldy. Ekinshi oryndy onyń otandasy Lú Szúnsze ıelense, qolany japondyq Sın Ohası qanjyǵasyna baılady.
AZIA OIYNDARY-2026
25 qyrkúıek. Júzý. 50 m bras. Erler. Fınal
🥇 1. Sın Haııan (Qytaı) – 26,68
🥈 2. Lú Szúnsze (Qytaı) – 26,99
🥉 3. Sın Ohası (Japonıa) – 27,01
…10. Aıbat Myrzamuratov (Qazaqstan) – 27,98
Quramamyzdyń taǵy úsh ókili óz pánderi boıynsha irikteýden óte almady. Aleksandr Rýmynskı 200 metrge shalqalaı júzýde 11-orynǵa turaqtady, Maksım Skazobsov 200 metr baterfláıda 16-oryndy ıelendi, Fedor Dıdenko 400 metrge erkin júzýde 19-nátıje kórsetti.
Bir kún buryn Qazaqstannyń erler quramasy 4×100 metr erkin júzý estafetasynyń fınalynda besinshi oryndy ıelendi. Sondaı-aq Adılbek Mýsın 50 metr baterfláı fınalynda segizinshi orynǵa turaqtady.