Sınoptıkter Qazaqstanda aldaǵy kúnderi aýa raıy turaqsyz bolatynyn eskertti — 6-8 qazan aralyǵynda birqatar óńirde jańbyr, kóbik qar jáne kóktaıǵaq qubylystary kútiledi, dep habarlaıdy infohub.kz saıty.
NUR.KZ agenttiginiń «Qazgıdrometke» silteme jasap habarlaýynsha, osy kezeńde atmosferalyq frontaldi bólikterdiń áserinen el aýmaǵynyń basym bóliginde aýa raıynyń turaqsyz sıpaty saqtalady. Jańbyr jaýady, al respýblıkanyń soltústik-batysynda, soltústiginde jáne shyǵysynda jaýyn-shashyn jańbyr men kóbik qar túrinde bolady. Sonymen qatar kóktaıǵaq qubylystary men tómengi deńgeıdegi burqasyndar kútiledi.
Respýblıka boıynsha jel kúsheıedi, túnde jáne tańerteń tuman túsedi.
Aýa temperatýrasyna keletin bolsaq, eldiń batysynda túnde +2-den +12 gradýsqa deıin, kúndiz +17-den +22 gradýsqa deıin bolady. Soltústik-batysta jáne soltústikte túnde temperatýra -1...-6-dan +3...+13 gradýsqa deıin aýytqıdy, kúndiz 0...+5-ten +5...+20 gradýsqa deıin.
Shyǵysta jáne ortalyqta túngi temperatýranyń negizgi fony 0...+7 gradýs, kúndiz +2...+15 gradýs bolady.
Ońtústikte jáne ońtústik-shyǵysta temperatýra joǵarylaıdy: túnde +2...+8-den +5...+10 gradýsqa deıin, taýly aýdandarda -1...-3-ten 0...+5 gradýsqa deıin úsik júredi. Kúndiz termometr baǵany +12...+17-den +17...+22 gradýsqa deıin, taýly aýdandarda +4...+9-dan +9...+14 gradýsqa deıin kóteriledi.