Túrkıanyń Alaná qalasynda 35 jastaǵy qazaqstandyq áıeldi zorlady degen kúdikpen 24 jastaǵy Sırıa azamaty qamaýǵa alyndy, dep habarlaıdy infohub.kz.
Túrik agenttigi DHA dereginshe, oqıǵa 16 shildedegi túni Gúllerpynary aýdanynda bolǵan. Tergeý nusqasy boıynsha, áıel er adammen Barov kóshesinde tanysyp, sodan keıin ekeýi birge Sahıre Túzún kóshesindegi qonaqúılerdiń birine barǵan.
Biraz ýaqyttan keıin er adam qonaqúıden shyǵyp ketti. Sodan keıin Qazaqstan azamatshasy 112 jedel qyzmetine habarlasyp, seksýaldy zorlyq-zombylyqqa ushyraǵanyn jáne uıaly telefonynan aıyrylǵanyn, ony kúdikti urlap ketkenin aıtty.
Alaná polısıa qyzmetkerleri er adamdy jaǵalaý jolynda ustady. Polısıa bólimshesinde odan aýdarmashynyń qatysýymen jaýap alynyp, sotqa jetkizildi. «Sot kúdiktige qatysty qamaýǵa alý túrindegi bultartpaý sharasyn qoldandy. Ol Alanádaǵy jabyq túrdegi túzeý mekemesine ornalastyryldy», — delingen agenttik habarlamasynda.
Bul oqıǵa jergilikti qaýymdastyqtarda áleýmettik jelilerde belsendi túrde talqylanýda. Jarıalanymdarda kúdiktige seksýaldy zorlyq-zombylyq boıynsha aıyp taǵylǵany jáne is boıynsha tergeý jalǵasyp jatqany atap ótiledi.