Japonıanyń Aıtı-Nagoıa óńirinde ótip jatqan 2026 jylǵy XX jazǵy Azıa oıyndarynda qazaqstandyq jeńil atlet Maksım Frolovskı 10 000 metrge júgirýde alty úzdiktiń qataryna endi, dep habarlaıdy infohub.kz saıty.
Bul saıysta Frolovskı Qazaqstannyń jalǵyz ókili boldy. Qashyqtyq basynda ol aıtarlyqtaı alshaqtap ketkenimen, keıin qarsylastarynyń bir bóligi ony qýyp jetti, al qazaqstandyq keıinnen kóshbasshylar tobynan qalyp qoıdy.
Sońynda Frolovskı 30 mınýt 22,6 sekýnd nátıjemen altynshy bolyp márege jetti. Jeńimpaz — Bahreın ókili Bırhan Balúǵa ol shamamen eki mınýt utyldy. Kúmisti úndistandyq Gýlvır Sıngh jeńip aldy, al úzdik úshtikti taǵy bir bahreındik Albert Kıptý túıindedi.
Keshki sesıada 400 metrge júgirýden de irikteý ótti. Áıelder arasynda Marıa Shývalova tórtinshi ýaqytpen — 53,06 sekýnd — fınalǵa shyqty. Taǵy bir qazaqstandyq Aleksandra Zalúbovskaıa toǵyzynshy oryndy ıelenip (53,93), sheshýshi kezeńge jete almaı qaldy.
Erler arasynda ulttyq qurama bul saıysta fınalǵa shyǵa almady. Elnor Mýhıtdınov 19-nátıje (47,30), al Andreı Sokolov 23-nátıje (48,42) kórsetti.