Ǵylym jáne joǵary bilim mınıstri Saıasat Nurbek úkimettegi brıfıńte qazaqstandyq onkologıalyq aýrýlarǵa qarsy preparatty ázirleýge qatysty jańa málimetterdi aıtty. Onyń aıtýynsha, qazir Astanadaǵy onkologıalyq ortalyqta klınıkalyq synaqtardyń ekinshi kezeńi jalǵasýda, dep habarlaıdy infohub.kz saıty.
Vedomstvo basshysy atap ótkendeı, bul kezeńde mamandar pasıentter aǵzasynyń preparattyń ártúrli mólsherine reaksıasyn zerttep, ońtaıly dozany anyqtaıdy. «Biz osy jyldyń sońyna deıin bárin aıaqtap, preparatty aldyn ala tirkeýge usynýǵa tyrysamyz. Onyń óz prosedýrasy bar. Densaýlyq saqtaý mınıstrligi janyndaǵy Dárilik zattardy tirkeý ulttyq ortalyǵy qazir bizge barynsha kómektesip jatyr. Olar klınıkalyq synaqtardyń ekinshi kezeńiniń rastalǵan nátıjelerin kútýde. Biz olardy rastaǵan boıda júkteımiz, bári qaıta tekseriledi de, preparatty tirkeýge usyna bastaımyz. Bul — sońǵy aldyndaǵy qadam, biz qazir sonda turmyz», — dep atap ótti Nurbek.
Mınıstr odan ári josparlar týraly da aıtty: aldymen preparatty Qazaqstan aýmaǵynda resmı tirkeý josparlanýda, sodan keıin Eýrazıalyq ekonomıkalyq odaqta, al odan keıin preparatty halyqaralyq naryqqa shyǵarý jumystary bastalady.
Buǵan deıin Saıasat Nurbek qazaqstandyq qaterli isikke qarsy dárini 2026 jyldyń sońyna deıin tirkeýge bolatynyn málimdegen edi.