Qazaqstandyq kıbersportshy Aleksandr Pıvovarov Japonıada ótip jatqan 2026 jylǵy Azıa oıyndarynyń kıbersport baǵdarlamasynda Puyo Puyo Champions týrnırinde qatarynan tórt ret jeńilis tapty, dep habarlaıdy infohub.kz saıty.
Puyo Puyo Champions — logıkalyq oıyn. A tobynda qazaqstandyq tórt mach ótkizip, barlyq kezdesýde 0:3 esebimen utyldy. Pıvovarovtyń qarsylastary Ońtústik Koreıa, Japonıa, Fılıppın jáne Gonkong ókilderi boldy.
Topta sońǵy oryn alǵanyna qaramastan, qazaqstandyq kúresti jalǵastyrý múmkindigin saqtap qaldy: 26 qyrkúıekte ol Sıngapýr ókilimen shırek fınalǵa shyǵý úshin talasady.
A tobyndaǵy eń úzdik nátıjeni 11 jasar Iýkı Kýrıhara kórsetti, ol tórt machtyń barlyǵynda jeńiske jetti. Ol Japonıa quramasy tarıhyndaǵy Azıadanyń eń jas qatysýshysy.
V tobynda barlyq machta Qytaı Taıbeıiniń ókili Kýo Sýan jeńiske jetti. Puyo Puyo Champions týrnırine barlyǵy on kıbersportshy qatysýda.
Basqa pánde Qazaqstan quramasy óz ónerin aıaqtady. Roman Dozorsev, Aıan Valeev jáne Asqar Shýkanov Fighting Games týrnırinde D tobynda eki machta da jeńilis tapty. Bul sanatqa úsh faıtıngtik beıneoıyn kiredi — Street Fighter, TEKKEN 8 jáne THE KING OF FIGHTERS XV.