Qazaqstannyń ýshý quramasy 2026 jylǵy jazǵy Azıa oıyndaryndaǵy medal jolyn aıaqtady: úsh sportshy da 1/8 fınalda jeńilis tapty. Jarys Japonıanyń Aıtı jáne Nagoıa qalalarynda ótip jatyr, dep habarlaıdy infohub.kz saıty.
21 qyrkúıekte áıelder arasyndaǵy 60 kelige deıingi salmaq dárejesinde Alına Shosova Vetnam ókili Ngýen Thı Thý Thúımen kezdesti. Kezdesý qarsylastyń 2:0 esebimen jeńisimen aıaqtalyp, qazaqstandyq sportshy 1/8 fınal satysynda toqtady.
Erler arasyndaǵy 60 kelige deıingi salmaqta Qarım Imınjanov ta vetnamdyq Hýa Van Doanmen sheberlik baıqasty. Qazaqstandyq 0:2 esebimen jeńilip, shırek fınalǵa shyǵa almady.
Qazaqstannyń taǵy bir ókili Beksultan Koskenov 65 kelige deıingi salmaq dárejesinde synǵa tústi. 1/8 fınalda onyń qarsylasy ındonezıalyq Samýel Marbýn boldy, kezdesý qazaqstandyqtyń 0:2 esebimen jeńilisimen aıaqtaldy.
Osylaısha, Qazaqstannyń úsh ókili de atalǵan salmaq dárejelerinde medal úshin kúresti 1/8 fınal satysynda aıaqtady.