Almaty oblysy Qarasaı aýdanynyń Kóksaı aýylynda Mercedes-Benz markaly avtokólik jeke úıdiń qaqpasyna soǵylyp kirdi. Aýlada alty adam, sonyń ishinde bala bolǵan. Saldarynan eki áıel zardap shekti, dep habarlaıdy infohub.kz saıty.
Týǵan kúni 40 jasqa tolǵan áıeldiń aıaǵyn ampýtasıalaýǵa májbúr boldy. Aýrýhanaǵa jatqyzylǵan ekinshi áıeldiń — 30 jastaǵy — qabyrǵalary synǵan.
Almaty oblystyq polısıa departamentiniń málimetinshe, jol-kólik oqıǵasyna baılanysty qylmystyq is qozǵaldy. «Aldyn ala derekterge sáıkes, 24 jastaǵy qyz Mercedes-Benz avtokóligin basqaryp, Naýryzbaı batyr kóshesimen kele jatyp, basqarýdy joǵaltyp, eki jaıaý júrginshini qaǵyp ketken. Nátıjesinde eki zardap shekken de medısınalyq mekemege jetkizildi», — delingen vedomstvo habarlamasynda.
Kúdikti ustalyp, ýaqytsha ustaý ızolátoryna qamaldy. Qazirgi ýaqytta qajetti tergeý amaldary júrgizilýde.