Kókshetaýda bala tańerteń mektepke ákelingen sátte kólikten qulap ketti, al oqıǵanyń shoshyrlyq kadrlaryn kýágerdiń beınetirkegishi túsirip aldy, dep habarlaıdy infohub.kz saıty.
Polıseıler oqıǵaǵa qatysýshylardy taýyp, júrgizýshiniń balalardy tasymaldaý kezinde birneshe qaýipsizdik erejesin buzǵanyn anyqtady.
Aqmola oblysy polısıa departamentiniń málimetinshe, oqıǵa 5 qazanda saǵat 8:00 shamasynda qaladaǵy mektepterdiń biriniń mańynda bolǵan. Polısıa dereginshe, Subaru Forester kóliginiń júrgizýshisi balany túsirý úshin ruqsat etilmegen jerde toqtaǵan. Kólik áli qozǵalyp kele jatqanda, bala esikti ashyp, jolǵa qulap túsken.
Polıseıler salonda tıisti jastaǵy balalardy tasymaldaýǵa qajetti arnaıy balalar ustaǵysh qurylǵysy nemese qaýipsizdik beldiginiń adapteri bolmaǵanyn anyqtady.
«Oqıǵa faktisi boıynsha júrgizýshi jolaýshylardy tasymaldaý talaptaryn buzǵany jáne toqtaý erejelerin buzǵany úshin ákimshilik jaýapkershilikke tartyldy. Onymen profılaktıkalyq áńgime júrgizilip, balalardy tasymaldaý erejelerin qatań saqtaý qajettigi eske salyndy», — dedi departamenttiń baspasóz qyzmeti.
Vedomstvo 2026 jyldyń basynan beri polıseıler jolaýshylar men júkterdi tasymaldaý talaptaryn, sondaı-aq qaýipsizdik beldikteri men motoshlemderdi paıdalaný erejelerin buzýdyń 27 myńnan astam faktisin tirkegenin atap ótti.
Buǵan deıin «Kýrsıv» Qyzylorda oblysynda polıseıler túnde Land Cruiser rólinde otyrǵan alty jasar balany toqtatqany týraly jazǵan bolatyn.