Kókshetaýda 23 jastaǵy jergilikti turǵyn Mercedes-Benz kóligin jalpyǵa ortaq jolda drıft jasap, ákimshilik jaýapkershilikke tartyldy. Tártip buzýshylyq profılaktıkalyq is-sharalar barysynda anyqtaldy. Bul týraly Aqmola oblysy polısıa departamenti habarlady, dep jazady infohub.kz saıty.
Polısıanyń málimetinshe, júrgizýshi joldy búldirgeni jáne manevr jasaý erejelerin buzǵany úshin jazalandy. Oǵan 7 aılyq eseptik kórsetkish mólsherinde — 30 myń teńgeden astam ákimshilik aıyppul salyndy. Sonymen qatar buzýshymen profılaktıkalyq áńgime júrgizildi.
Oblystyq polısıa departamenti jyl basynan beri drıft jasaǵany úshin 24 júrgizýshi ákimshilik jaýapkershilikke tartylǵanyn qosty.
Avtokólik áýesqoılaryna eskertildi: «Qala jolyndaǵy drıft tek syrttan qaraǵanda áserli kórinýi múmkin. İs júzinde mundaı manevrler naqty qaýip tóndiredi. Kólik basqarýdan shyǵyp, qarsy jolaqqa shyǵyp ketýi nemese basqa qozǵalys qatysýshylarymen soqtyǵysýy yqtımal. Jaıaý júrginshiler men basqa kólikter jaqyn jerde ornalasqan tustarda mundaı jaǵdaılar ásirese qaýipti».