10 tamyzda Kolýmbıada bolǵan joıqyn jer silkinisinen qaza tapqandar sany 200-den asty, dep habarlaıdy infohub.kz saıty.
CNN derekterine sáıkes, qurbandar sany keminde 224 adamǵa jetti. Eldiń geologıalyq qyzmeti magnıtýdasy 7,4 bolǵan negizgi dúmpýden keıin 70-ten astam keıingi dúmpý tirkedi. Qutqarýshylar eń kóp zardap shekken aýdandarda úıindilerdi tazalap, qırandy astynda qalǵan adamdarǵa jetýge tyrysýda.
AQSh Memlekettik departamenti Kolýmbıaǵa tabıǵı apattarǵa áreket etý tobyn (DART) jiberetinin málimdedi. Bul top mańyzdy operasıalardy qoldap, tótenshe jaǵdaı kezinde úkimettiń is-qımylyn úılestiredi. Meksıka úkimeti de zardap shekken elge izdeý-qutqarý jumystaryna mamandanǵan 255 áskerı qyzmetker men gýmanıtarlyq kómek jiberýge daıyndalýda.
Eske salaıyq, 10 tamyzda Kolýmbıada magnıtýdasy 7,4 jer silkinisi boldy. Sol kúni keshke 30 adam qaza tapqany habarlanǵan edi, al 11 tamyz tańerteń qurbandar sany 132-ge jetip, taǵy 570 adam jaraqat aldy. El úkimeti ulttyq deńgeıde tótenshe jaǵdaı jarıalap, zardap shekken aýdandarǵa áskerı qyzmetkerlerdi jiberdi. Qazaqstan Prezıdenti Qasym-Jomart Toqaev stıhıadan kóptegen adam qaza tabýyna baılanysty Kolýmbıa prezıdentine kóńil aıtý jedelhatyn joldady.