Kalı qalasynda qutqarýshylar joıqyn jer silkinisinen keıin eki aılyq sábı men onyń ákesin úıindi astynan alyp shyqty, dep habarlaıdy infohub.kz.
Kolýmbıadaǵy qutqarý jumystary jalǵasýda. Sábı men onyń ákesin qıraǵan úıindi astynan taýyp, shyǵaryp úlgerdi, alaıda sábıdiń anasy men aǵasynyń taǵdyry ázirge belgisiz, dep habarlaıdy RIA Novostı Noticias Caracol basylymyna silteme jasap.
«Kalı turǵyndary úıindi astynan sábıdi... jáne onyń ákesin shyǵaryp jatyr», — delingen basylymda. Telearnanyń málimetinshe, eki aılyq sábı men onyń ákesi medısınalyq mekemege jetkizilgen. Ekeýiniń de jaǵdaıy qazir turaqty.
«Balanyń anasy áli kúnge deıin habar-osharsyz ketkender qatarynda, onyń aǵasy da solaı», — dep qosady telearna.
Buǵan deıin Kolýmbıada joıqyn jer silkinisinen keıin tótenshe jaǵdaı rejımi jarıalanǵany habarlanǵan bolatyn. Eske salaıyq, 10 tamyzda Kolýmbıada magnıtýdasy 7,4 bolatyn kúshti jer silkinisi boldy. Sol kúni keshke 30 adam qaza tapqany habarlandy.
11 tamyzdaǵy tańǵy málimet boıynsha, kem degende 132 adam qurban boldy, taǵy 570 adam jaraqat aldy. El úkimeti ulttyq deńgeıde tótenshe jaǵdaı jarıalap, zardap shekken aýdanǵa áskerı qyzmetshilerdi jiberdi.
Sondaı-aq keshe memleket basshysy Qasym-Jomart Toqaev jer silkinisi saldarynan kóptegen adam qaza tabýyna baılanysty Kolýmbıa prezıdentine kóńil aıtý jedelhatyn joldady.
Búgin, 12 tamyzda, qaza tapqandar sany 200-den asqany belgili boldy.