QR Eńbek jáne halyqty áleýmettik qorǵaý mınıstrligi medısınalyq-áleýmettik saraptama júrgizýdiń jańa qaǵıdalaryn bekitti. Endi pasıent komada jatqan jaǵdaıda, múgedektik belgileýge jáne kútim boıynsha járdemaqy taǵaıyndaýǵa ótinimdi jaqyn týystary nemese jubaıy bere alady, dep habarlaıdy infohub.kz saıty.
Vedomstvo buıryǵyna sáıkes, eger múgedektigi bar adam komatozdyq jaǵdaıda bolýyna baılanysty kelisim bere almasa, kútim jasaıtyn adamǵa járdemaqy taǵaıyndaýǵa negiz jaqyn týysynyń nemese jubaıynyń ótinishi bolyp tabylady.
Mamandardyń betpe-bet kýálandyrýy úıde nemese stasıonarda júrgiziledi. Sonymen qatar, adam tasymaldaýǵa jaramsyz bolyp, qyzmet kórsetiletin aımaqtan tys jerde stasıonarlyq em alyp jatqan jaǵdaıda, kýálandyrý DKK usynymy negizinde syrttaı júrgiziledi.
Syrttaı kýálandyrý kezinde № 031/ý nysany pasıenttiń ornalasqan jeri boıynsha aımaqtyń medısınalyq uıymymen resimdeledi.
Alaıda, ótinishti jaqyn týysy nemese jubaıy bergen jaǵdaıda, múgedektik bir jyldan aspaıtyn merzimge belgilenedi.
Buıryq 2026 jylǵy 25 tamyzdan bastap qoldanysqa enedi.
Buǵan deıin «Kýrsıv» bıylǵy jyly Qazaqstanda múgedektik boıynsha járdemaqy mólsheri 10%-ǵa óskenin jazǵan bolatyn. Eske salaıyq, qazirgi ýaqytta elde múgedektik boıynsha tólem alýshylardyń sany 544 myńnan asady. Sondaı-aq, barlyq qarjylandyrý kózderin eskere otyryp, qazirgi ýaqytta jıyntyq tólemderdiń mólsheri de habarlanǵan bolatyn.