Demokratıalyq Kongo Respýblıkasynda Ebola qyzbasynan qaza tapqandar sany 2 300-den asty, bul indet el tarıhyndaǵy eń joıqyn indetke aınaldy, dep habarlaıdy infohub.kz.
Kongo úkimetiniń derekteri boıynsha, Eboladan keminde 2 325 adam qaıtys boldy. Eldiń qoǵamdyq densaýlyq saqtaý ınstıtýty rastalǵan jaǵdaılar sany 4 945-ke jetkenin, sonyń ishinde sońǵy táýlikte 101 jańa jaǵdaı anyqtalǵanyn habarlady.
Qazirgi indet qurbandar sany boıynsha 2018-2020 jyldardaǵy aldyńǵy indetten asyp, DKR tarıhyndaǵy eń qaýiptisi atandy. Dúnıejúzilik densaýlyq saqtaý uıymy qazirgi indet 2014-2016 jyldardaǵy Batys Afrıkadaǵy indetten de asýy múmkin ekenin eskertedi. Onda Gvıneıada, Lıberıada jáne Serra-Leonede 28 616 juqtyrý jaǵdaıy jáne 11 325 ólim tirkelgen edi.
BUU Ebola qyzbasynyń «Kongoda jeńiske jetip jatqanyna» alańdaýshylyq bildirip, indet árbir 30 mınýt saıyn bir adamnyń ómirin jalmap jatqanyn atap ótti. Aýrý eldiń 26 provınsıasynyń altaýyna tarady, negizinen soltústik-shyǵys shekara boıynda. İndet bastalǵan Itýrı provınsıasynda 3 400-den astam jaǵdaı tirkeldi.