Shyǵys Qazaqstan oblysynda azamattyq týraly zańnamany buzǵany úshin 35 adam ákimshilik jaýapkershilikke tartyldy, dep habarlaıdy infohub.kz.
Oblystyq polısıa departamentiniń málimetinshe, jyl basynan beri 550-den astam azamat Qazaqstan azamattyǵynan aıyryldy. Olardyń kópshiligi basqa memleketterdiń azamattyǵyn qabyldaǵan. Sonymen qatar, keıbireýler áleýmettik, zeınetaqy jáne ózge de memlekettik jeńildikterdi saqtap qalýdy kózdep, elge kirý jáne turý úshin qazaqstandyq qujattardy paıdalanýdy jalǵastyrýda.
Azamattyq salasyndaǵy buzýshylyqtar úshin 35 adam ákimshilik jaýapkershilikke tartyldy. 26 jaǵdaıda azamattar shetel azamattyǵyn alǵany týraly belgilengen merzimde habarlamaǵan, taǵy 9-y Qazaqstan Respýblıkasynyń pasportyn nemese jeke kýáligin paıdalanýdy jalǵastyrǵan.
Osyndaı jaǵdaılardyń birin kóshi-qon qyzmeti qyzmetkerleri Óskemenniń 64 jastaǵy turǵynynan anyqtady. Ol basqa memlekettiń azamattyǵyn alǵan, alaıda bul týraly ýaqytyly habarlamaı, qazaqstandyq qujattardy paıdalanýdy jalǵastyrǵan. Tekserý barysynda áıeldiń qujattary alynyp, azamattyǵynan aıyrylǵany tirkeldi.