Qazaqstan Premer-lıgasynda 25-týr aıaqtaldy. Sońǵy oıyn kúni «Astana» «Elımaıdy» utsa, «Tobyl» «Ulytaýdy» jeńdi, al «Altaı» «Qaısardy» tize búktirip, tómengi satydan shyǵyp ketti... dep habarlaıdy infohub.kz.
«Astana» «Elımaıǵa» jaýapsyz tórt gol soqty – 4:0. Birinshi taımnyń sońynda Ivan Bashıch bes mınýt ishinde dúbl jasady, úzilisten keıin Marın Tomasov gol soqty, al núkteni penaltıden Ramazan Karımov qoıdy.
Bul jeńis «Astanaǵa» 45 upaı jınap, úshinshi orynda nyǵaıýǵa múmkindik berdi. Endi astanalyq klýb «Oqjetpesten» úsh upaıǵa ozyq tur. Alda «Ordabasy» – 55 upaı jáne «Qaırat» – 54 upaı. Alaıda almatylyqtar kóshbasshydan bir oıyn az ótkizgen.
Tomasovtyń goly 39 jastaǵy horvatty KPL mergender kestesinde kósh basyna shyǵardy. Onyń enshisinde on gol. Roman Murtazaev pen «Tobyl» shabýylshysy Ýrosh Mılovanovıch toǵyz goldan soqqan.
Qostanaıda «Tobyl» úzilisten keıin eki ret alǵa shyǵyp, «Ulytaýdy» 3:1 esebimen jeńdi. Mılovanovıch dúbl jasasa, taǵy bir goldy Vıtalı Lısakovıch soqty. Qonaqtardan Aslan Ahmedov gol soqty.
Qostanaılyqtar 31 upaı jınap, qosymsha kórsetkishter boıynsha jetinshi orynǵa kóterilip, «Ulytaýdy» qýyp jetti. Jezqazǵandyqtar segizinshi orynǵa tústi.
Óskemende «Altaı» Premer-lıgada qalý úshin mańyzdy jeńiske jetti. Dragan Stoısavlevıch besinshi mınýtta-aq esep ashty, al ekinshi taımda Seıf Popov alań ıeleriniń basymdyǵyn nyǵaıtty – 2:0.
«Altaı» 22 upaı jınap, tómengi satydan shyǵyp, 13-orynǵa kóterildi. «Qaısar» 20 upaımen sońǵy, 16-orynǵa tústi. «Ertiste» de sonsha upaı, biraq ol bir saty joǵary tur.
25-týrdan keıin úzdik úshtik: «Ordabasy» – 55 upaı, «Qaırat» – 54, «Astana» – 45. «Oqjetpes» 42 upaımen tórtinshi, «Aqtóbe» 38 upaımen besinshi orynda.