Japonıada ótip jatqan Azıa oıyndarynda qazaqstandyq jeńil atlet Krıstına Morozova sporttyq júristen jarty marafon qashyqtyǵynda ekinshi bolyp márege jetti, dep habarlaıdy infohub.kz saıty.
25 jastaǵy sportshy qashyqtyqty 1:35.25 ýaqytta eńserip, kúmis úshin tartysta Qytaı ókili Szán Iýnánnan nebári bir sekýnd ozyp ketti. Taǵy bir qazaqstandyq Elmıra Kalımýllına 1:43.21 nátıjemen altynshy orynǵa turaqtady.
AZIA OIYNDARY-2026
23 qyrkúıek. Jeńil atletıka. Júris. Jarty marafon. Áıelder
🥇 1. IAN LÚSZIN (Qytaı) – 1:33.40
🥈 2. Krıstına MOROZOVA (Qazaqstan) – 1:35.25
🥉 3. SZÁN IýNÁN (Qytaı) – 1:35.26
…6. Elmıra KALIMÝLLINA (Qazaqstan) – 1:43.21
Azıadanyń tórtinshi kúniniń baǵdarlamasyn ashqan jarysqa sporttyq júristen segiz sportshy qatysty.
Morozovanyń júldesi — qazaqstandyq áıelderdiń osy dısıplınada Azıadalarda jeńip alǵan alǵashqy kúmis medali. Svetlana Tolstaıa 1998 jyly Bangkokte ótken oıyndarda 10 km qashyqtyqta úshinshi bolǵan edi. Tórt jyldan keıin ol 20 km júristen qola júldege qol jetkizdi.
Erler arasynda 50 km júristen 1994 jylǵy Azıa oıyndarynda Sergeı Korepanov altyn alǵan. Valerı Borısov 2002 jylǵy oıyndarda jıyrma shaqyrymda chempıon atandy. Barlyq Azıadalardyń medal esebinde qazaqstandyq jeńil atletter jetinshi orynda tur.
XX Jazǵy Azıa oıyndarynyń saltanatty ashylýy 19 qyrkúıekte ótti. 45 eldiń sportshylary qatysatyn keshendi jarysta 460 medal jıyntyǵy sarapqa salynady: 217-si — erler, 204-i — áıelder, 39-y — aralas razrádtar arasynda. Azıada-2026-da Qazaqstan quramasynyń sapynda 35 sport túrinen 558 sportshy synǵa túsedi.
Oıyndardyń birinshi kúni qazaqstandyqtar tórt altyn medal jeńip aldy. Oıyndar chempıondary atanǵandar: veloshabandozdar Rınata Sýltanova men Alekseı Lýsenko, sondaı-aq karateshiler Jolaman Bıgabyl men Sofá Berýlseva. Qurama qorjynyna besinshi altyndy qarsańynda MMA saıyskeri Erkinǵalı Búrkitalın qosty. Altynshysyn — onyń aralas jekpe-jekten quramalas joldasy Qadyrbek Shynbaev ıelendi.
Oıyndardyń úshinshi kúninen keıin Qazaqstan beıresmı medal esebinde tórtinshi orynda keledi.