Qazaq tiliniń latyn álipbıine tolyq kóshýi jańa alfavıt pen emle erejeleri bekitilgennen keıin ǵana bastalady. Bul týraly infohub.kz saıty QR Ǵylym jáne joǵary bilim mınıstrliginiń jaýabyna silteme jasap habarlaıdy.
Vedomstvonyń málimetinshe, qazirgi ýaqytta Til bilimi ınstıtýtynyń, «Til-Qazyna» ulttyq ǵylymı-praktıkalyq ortalyǵynyń jáne joǵary oqý oryndarynyń ǵalym-lıngvısteri qazaq tili alfavıtiniń jobasy men latyn grafıkasy negizindegi emle erejelerin jetildirýde.
Sonymen qatar, Ǵylym mınıstrligi qazaq alfavıtin latynǵa kóshirýge bólingen qarajattyń negizgi bóligi jumys josparlarynyń ózgerýine baılanysty búdjetke qaıtarylǵanyn habarlady.
«Respýblıkalyq búdjetten qosymsha qarajat bólý, sondaı-aq biryńǵaı sıfrlyq komýnıkasıa quraldaryn ázirleý máselesi tıisti normatıvtik quqyqtyq aktiler bekitilgennen keıin qaralatyn bolady», — dep túıindedi vedomstvoda.
Eske sala keteıik, 2022 jyly Qasym-Jomart Toqaev Til bilimi ınstıtýtyna qazaq tiliniń jańa emlesi boıynsha arnaıy jumys ázirleýdi tapsyrǵan bolatyn. Prezıdenttiń pikirinshe, sodan keıin ǵana latynǵa kóshý týraly aıtýǵa bolady. Ol sondaı-aq bul máselede asyqpaýǵa shaqyrdy.
2023 jyly memleket basshysy kırıllısadan latynǵa kóshý jumysyn jalǵastyrýdy, «aldyńǵy qatarly álemdik tájirıbeni muqıat zerdelep», aldyńǵy áreketterde jiberilgen qatelikterdi eskere otyryp júrgizýdi tapsyrdy.
Buǵan deıin «Kýrsıv» Qazaqstanda áli kúnge deıin latyn álipbıi boıynsha sheshim qabyldanbaǵanyn jazǵan bolatyn.