Portýgalıa quramasynyń jartylaı qorǵaýshysy Rafael Leaý Krıshtıaný Ronaldýdyń ulttyq komandadan janjalmen ketýine qatysty pikir bildirdi, dep habarlaıdy infohub.kz saıty.
Ulttar lıgasynyń 3-týrynda Danıaǵa qarsy machta portýgalıalyqtar 4:2 esebimen jeńiske jetken soń, Leaý Ronaldý tóńiregindegi jaǵdaıǵa toqtaldy. «Bul — bizge qatysy joq taqyryp. Biz taǵy da komanda ekenimizdi kórsettik. Krıshtıaný Ronaldý úıde otyryp, osy jeńiske qýanyp jatqanyna senimdimin. Men onymen jaqsy aralasamyn jáne onyń qandaı adam ekenin bilemin, sondyqtan aıta alamyn: eń bastysy — komanda. Biz taǵy úsh upaı jınadyq, topta kósh bastap turmyz, endi demalyp, jeksenbidegi Norvegıamen machqa daıyndalý kerek», — dep keltiredi Leaýdyń sózin «Chempıonat».
Buǵan deıin Ronaldýǵa tıesili bolǵan Portýgalıa quramasyndaǵy jetinshi nómir endi Leaýǵa bekitilgeni habarlanǵan.
Eske salaıyq, Krıshtıaný Ronaldý Ulttar lıgasyndaǵy machta bapker ony alańǵa shyǵarmaǵan soń, quramanyń jattyǵýyna qatyspady. Keıin ol komanda ornalasqan jerden ketý týraly sheshim qabyldaǵanyn málimdedi. Keıinirek Portýgalıa fýtbol federasıasy Ronaldýdyń óz betinshe ketýi nemen aıaqtalýy múmkin ekenin aıtty: oǵan dıskvalıfıkasıa men aıyppul qaýpi tónip tur.