Mańǵystaý oblysynyń eki turǵyny 20 táýlikke qamaýǵa alynyp, jeti jylǵa kólik júrgizý quqyǵynan aıyryldy. Sebebi olardyń biri mas kúıinde, ári júrgizýshi kýáliginsiz bóten adamnyń kóligin basqarǵan, dep habarlaıdy infohub.kz saıty.
Oblystyq polısıa departamentiniń málimetinshe, 29 qyrkúıekte Taýshyq — Qıaqty baǵytyndaǵy jergilikti mańyzy bar jolda patrúldikter «Audi» markaly kólikti toqtatqan. Kólik rólinde kólik basqarý quqyǵy joq 39 jastaǵy er adam otyrǵan. Ol sondaı-aq аlkogóldik masań kúıde bolǵan.
Sot sheshimimen er adam 20 táýlikke qamaýǵa alynyp, jeti jylǵa kólik júrgizý quqyǵynan aıyryldy.
Kóligin mas dosyna senip tapsyrǵan kólik ıesi de jaýapkershilikke tartyldy. İs materıaldary boıynsha, kiltti berip turǵan sátte 34 jastaǵy buzýshy da аlkogóldik masań kúıde bolǵan.
Sot ony da 20 táýlikke qamaýǵa alyp, jeti jylǵa kólik basqarý quqyǵynan aıyrýǵa úkim shyǵardy.