Mańǵystaý oblysynda polısıa qyzmetkerleri esirtkini zańsyz saqtaýǵa kúdikti úsh er adamdy ustady. Olardyń avtokóligin tekserý kezinde marıhýana jáne iri aqsha somasy – 2 mln teńgeden astam – tabyldy, dep habarlaıdy infohub.kz saıty.
Operasıany Mańǵystaý oblysy Polısıa departamentiniń esirtki qylmysyna qarsy is-qımyl basqarmasynyń qyzmetkerleri basqa bólimshelermen birge júrgizdi. Polısıa málimetinshe, ishinde esirtki tasymaldanǵan Mercedes-Benz E200 avtokóligi toqtatylǵan.
«Kólik quralyn tekserý kezinde marıhýana dep tanylǵan jasyl tústi ósimdik tektes zaty bar eki polımerlik orama jáne 2 035 000 teńge mólsherindegi aqsha tabylyp, tárkilendi», – dep habarlady polısıa departamenti.
Ustalǵan úsheýi de Mańǵystaý oblysynyń turǵyndary bolyp shyqty. Medısınalyq kýálandyrý olardyń marıhýana qoldaný saldarynan esirtkilik mas kúıde bolǵanyn kórsetti.
Sot sheshimimen olardyń árqaısysy ákimshilik jaýapkershilikke tartylyp, 20 táýlikke arnaıy qabyldaý-bólý mekemesine ornalastyryldy. Mercedes-Benz E200 avtokóligi arnaıy aıyppul turaǵyna jiberildi. Esirtkiniń tabylý faktisi boıynsha sotqa deıingi tergeý júrgizilýde.