Maqambettiń ústinen tergeýshige aryz túsedi. «Aıypkerdi tekserýge kisi shyǵypty, búgin keldi» degendi estip, Maqambet atyna minip aýdanǵa attanypty. Aýdannan shyqqan tergeýshi qarsy kezdesedi. Tergeýshi jón surap:
— Qaıdan kelesiz? — dese:
— Shyqqan jerim artymda qaldy, — depti Maqambet.
— Qaıda bara jatyrmyz?
— Baratyn jerim aldymda.
— Denińiz saý ma? — dep tergeýshi yza bola sóılepti.
— Aýrý bolsam, atqa minip osylaı júrem be?
Tergeýshi sózge jarymaıtyn bolǵan soń, óz jolymen júrip ketipti. Sonan aldyndaǵy kóringen aýylǵa kelip:
— Maqambet Shójeev degen kisiniń qaıda ekenin bilesizder me? — dep surapty. Aýyl adamdary:
— Sizge jolda kózi qylı, qara saqaldy kisi jolyqqan joq pa? — depti.
— Iá, jolyqty.
— Endeshe izdegen Maqambet Shójeevińiz sol kisi.
— Maqambet ol bolsa, odan men jaýap ala almaspyn. Onan da áýre bolmaı aýdanǵa jeteıin, — dep tergeýshi qaıtyp ketipti.