Qazaqstanda oqýshylardy tekserý tásili ózgeredi: tekserý nátıjeleri medısınalyq júıelerge avtomatty túrde engiziletin bolady, dep habarlaıdy infohub.kz saıty.
Mektep medısınasynyń jańa modelin 400-den astam maman talqylady. Ol sıfrlyq dıagnostıkalyq jabdyqty qoldana otyryp, profılaktıkalyq tekserýler júrgizýdi jáne tekserý nátıjelerin sıfrlyq medısınalyq júıelerde tirkeýdi kózdeıdi. Jańa modeldiń negizgi elementteriniń biri — oqýshylardyń profılaktıkalyq tekserýlerin sıfrlandyrý ekeni atap ótiledi.
«Tekserýler kezinde zamanaýı sıfrlyq dıagnostıkalyq qurylǵylar qoldanylyp, nátıjeler aqparattyq júıelerde avtomatty túrde tirkeletin bolady. Bul balanyń densaýlyq jaǵdaıynyń tolyq kórinisin qalyptastyrýǵa jáne ózgeristerdi dınamıkada baqylaýǵa múmkindik beredi. Eger oqýshyda belgili bir qaýip faktorlary nemese densaýlyq kórsetkishteriniń ózgeristeri anyqtalsa, aqparat odan ári baqylaý, qosymsha tekserý nemese medısınalyq kómek kórsetý úshin BMSK mamandaryna jedel jetkizile alady», — delingen vedomstvo habarlamasynda.
Osylaısha, mektep medısınasy bir rettik profılaktıkalyq tekserýlerden bala densaýlyǵyn júıeli sıfrlyq súıemeldeýge birtindep kóshýde.
«Jańa model profılaktıkalyq quramdas bólikti kúsheıtýdi kózdeıdi. Maqsat — densaýlyqtaǵy yqtımal buzylystar men qaýip faktorlaryn erte kezeńde anyqtaý, ıaǵnı ýaqtyly profılaktıkalyq sharalar eń úlken nátıje bere alatyn kezde. Bul rette mektep medısına qyzmetkerleri osy júıeniń mańyzdy bóligine aınalady. Olardyń jumysy tek medısınalyq tekserýler júrgizýdi ǵana emes, sonymen qatar aýrýlardyń aldyn alýdy, sanıtarlyq-aǵartý jumysyn, balalarda salaýatty ómir salty mádenıetin qalyptastyrýdy jáne BMSK uıymdarymen ózara is-qımyldy qamtıdy», — dep qosty Densaýlyq saqtaý mınıstrliginde.
Mamandardyń qatysýymen ótken keńester aıasynda oqýshylarda salaýatty ómir saltynyń turaqty daǵdylaryn qalyptastyrýǵa jáne profılaktıkalyq mádenıetti damytýǵa baǵyttalǵan «Salamatty mektep» jobasy da usynyldy.
Mektep medısınasyn kadrmen qamtamasyz etýge, sıfrlyq ınfraqurylymdy damytýǵa jáne medısınalyq uıymdardyń jańa tásilderdi engizýge daıyndyǵyna erekshe nazar aýdaryldy.
Jańa model mektep medısınasyn neǵurlym zamanaýı, sıfrlyq jáne profılaktıkalyq etýge arnalǵan, osylaısha balanyń densaýlyq jaǵdaıyn belgili bir sátte ǵana emes, dınamıkada da baqylaýǵa bolady.