MLS 2026 maýsymynyń turaqty chempıonatynda «Inter Maıamı» men «San-Dıego» arasyndaǵy Maıamıdegi «Nu Stadium» stadıonynda ótken mach 2:2 esebimen teń aıaqtaldy, dep habarlaıdy infohub.kz saıty.
Alań ıeleri sapynda Argentınanyń shabýylshysy ári komanda kapıtany Lıonel Messı 24-mınýtta gol soqty, al Ýrýgvaı forvardy Lýıs Sýares 74-mınýtta qaqpany dál kózdedi. Qonaqtar quramynda Danıa vıngeri Anders Dreıer dúbl jasady — ol 12 jáne 82-mınýttarda erekshelendi.
Teń oıyn «Inter Maıamıge» 46 upaı ákeldi. MLS-tiń qazirgi chempıondary Shyǵys konferensıasynda qosymsha kórsetkishter boıynsha «Nú-Inglend Revolúshnge» jol berip, úshinshi orynda tur. Kestede 57 upaı jınaǵan «Neshvıll» kósh bastap tur. Al «San-Dıego» 31 upaımen Batys konferensıasynyń alǵashqy ondyǵyn túıyqtaıdy.
Messı 20 golmen mergender jarysynda kósh bastap tur. Ol MLS tarıhynda úsh maýsymda keminde 20 dop soqqan ekinshi oıynshy atandy. Buǵan deıin muny Gabon jartylaı qorǵaýshysy Denı Býanga (2023–2025) baǵyndyrǵan. Alaıda 39 jastaǵy argentınalyq lıga tarıhynda alǵashqy bolyp úsh maýsym qatarynan keminde 20 gol soǵyp, keminde 10 nátıjeli pas berdi.