Lıonel Messıdiń jubaıy Antonella Rokýsso kúıeýiniń Argentına quramasyndaǵy karerasyn aıaqtaý týraly sheshiminen keıin oǵan jyly sózdermen úndedi, dep habarlaıdy infohub.kz.
Ol Instagram-daǵy paraqshasynda: «Ómirińniń bul kezeńin osylaı aıaqtaǵanyńmen qanshalyqty maqtanamyn. Qanshama jyl, qanshama sát, qanshama qýanysh jáne, árıne, taǵdyrdyń qanshama aýyr soqqylary. Seniń qınalyp, qulap, qaıta turǵanyńdy kórdim. Bári qalaǵandaı bolmaǵanda da, seniń alǵa umtylǵanyńdy jáne qaıta-qaıta maqsatyńa jetýge tyrysqanyńdy kórdim. Sonsha jyldan keıin maǵan seniń armandaryńnyń oryndalyp, ómirimizdiń eń baqytty kúnderin bastan ótkergenińdi kórý baqyty buıyrdy», — dep jazdy.
Rokýsso osy jyldardaǵy eń mańyzdysy — balalarymyzdyń ákeleriniń úlken eńbektiń nátıjesi bolǵan jetistikterin kórip óskendigin atap ótti. «Múmkin, bir kúni olar seniń jolyńnyń qanshalyqty uly ekenin shynymen túsiner. Al búgin olar jaı ǵana ákelerimen maqtanady. Al men senimen maqtanamyn. Seniń jolyńmen, basyńnan ótkergenderińmen jáne eń bastysy — osy sátterdiń árqaısysynyń artynda turǵan adammen. Osynyń bárin senimen birge ótkizý — qandaı baqyt. Biz seni sheksiz jaqsy kóremiz», — dep jazdy Messıdiń jubaıy.
Eske salaıyq, aty ańyzǵa aınalǵan fýtbolshy Lıonel Messı qoshtasý hatyn jarıalap, Argentına quramasyndaǵy karerasyn aıaqtaıtynyn málimdedi.