Qazaqstandyq mánerlep syrǵanaýshy Mıhaıl Shaıdorov Halyqaralyq kónkıshiler odaǵynyń (ISU) jańartylǵan reıtıńinde ózi úshin rekordtyq úshinshi orynǵa jetti, dep habarlaıdy infohub.kz saıty.
Uıymnyń resmı saıtynda jarıalanǵan málimetke sáıkes, sportshynyń enshisinde 3918 upaı bar. Ol qazirgi olımpıada chempıony amerıkalyq Ilá Malınınnen (4590) jáne 2026/27 maýsymyn ótkizip jiberetin japondyq Iýma Kagıamadan (4123) ǵana qalyp otyr. Alǵashqy bestikke sondaı-aq japondyq Sún Sato (3639) men fransýz Adam Sáo Hım Fa (3625) endi.
Áıelder arasynda qazaqstandyqtardyń ishindegi eń úzdigi Sofá Samodelkına boldy, ol 2155 upaımen 13-orynda tur. Áıelder reıtıńinde AQSH-tan kelgen qazirgi olımpıada chempıony Alısa Lú (4248) kósh bastap tur, odan keıin japondyq Mone Tıba (4164) jáne taǵy bir amerıkalyq Ember Glenn (3671) keledi.
Juptyq syrǵanaýda nemister Mınerva Fabenne Haze men Nıkıta Volodın (4624) birinshi oryndy saqtap otyr. Ekinshi orynda grýzınder Anastasıa Metelkına men Lýka Berýlava (4365), úshinshi orynda amerıkalyqtar Alısa Efımova men Mısha Mıtrofanov (3244).
Muz ústindegi bıde brıtandyq Laıla Fır men Lúıs Gıbson (4307) reıtıńti bastap tur. Úzdik úshtikte sondaı-aq amerıkalyqtar Medıson Chok pen Evan Beıts (3960) jáne kanadalyqtar Paıper Gılles pen Pol Pýare (3467) bar. Qazirgi olımpıada chempıondary fransýzdar Lorans Fýrne-Bodrı men Gıom Sızeron birinshi birlesken maýsymnan keıin 15-orynǵa kóterildi.
Qazaqstandyq jetekshi bı dýeti Gaýhar Naýryzova men Boısangýr Datıev ISU-dyń jańa reıtıńinde 44-orynǵa turaqtady.