Japonıanyń Nagoıa qalasyndaǵy «Paloma Mıdzýho» stadıonynda XX jazǵy Azıa oıyndarynyń ashylý saltanaty ótti, dep habarlaıdy infohub.kz saıty.
Saltanat qysqa kirispe bólimnen bastaldy: Japonıa týy kóterilip, áni shyrqaldy. Keıin qatysýshy elderdiń sherýi ótti — arenada Azıanyń barlyq 45 olımpıadalyq komıtetiniń ókilderi, sondaı-aq bosqyndar quramasy da sap túzedi.
Qazaqstan týyn dzúdoshy Eldos Smetov pen ústel tenısinen Sarvınoz Mırkadırova alyp shyqty.
Resmı quttyqtaý sózin qabyldaýshy taraptyń ókili, sondaı-aq Azıa olımpıadalyq keńesiniń basshysy sheıh Djoan bın Hamad Al Tanı sóıledi. Sportshylardyń anty da oqyldy.
Azıada-2026 alaýynyń estafetasyn birneshe ataqty japon sportshysy aıaqtady. Alaý tostaǵanyn Sıgenobý men Kodzı Mýrofýsı — áke men bala, ataqty balǵa laqtyrýshylar jaqty.
Shoý-baǵdarlama aıasynda mýzykalyq jáne bıshilerdiń kostúmdik qoıylymdary usynyldy. Ashylý saltanaty jalpy eki saǵatqa sozyldy.
Azıada-2026-nyń alǵashqy medal kúni 20 qyrkúıek bolady. 4 qazandy qosa alǵanda 469 medal jıyntyǵy sarapqa salynady.
Qazaqstandy 43 málimdelgen sport túriniń 35-inde 558 sportshy qorǵaıdy. NUR.KZ ulttyq qurama qatysatyn jarystardyń kestesin kún saıyn jarıalap otyrady.